أعطيـــك عمرى

لك قلبى ..... لا أعلم منذ متى ......؟ ولكننى أدرك أنه بين يديك دوماً والذى لك لا يأخذه أحد منك ، وإن اُخذ منك تسترده بلمسات حُبك نعم سيدى اُحبــــــــك ليس لأنى موضع أهتمامك ، بل لأن أهتمامك هذا نتيجة فعلية لعظيم حُبــــــــــــــــك .


    ارقام وحسابات كتابية

    شاطر
    avatar
    نادى شفيق
    مشـــرف
    مشـــرف

    عدد الرسائل : 141
    العمر : 47
    تاريخ التسجيل : 16/01/2009

    ارقام وحسابات كتابية

    مُساهمة من طرف نادى شفيق في الأربعاء مارس 04, 2009 1:48 pm

    عاوز اتكلم معكم احبائى اليوم عن الارقام فى الكتاب المقدس ..احنا لازم نتعرف على الحق الالهى والمعانى الروحية الكامنة وراء كل حرف ...لكن علينا ان نتجاوز الحرف زى ما بتقول عروس النشيد وهى بتدور وتبحث عن المسيح له المجد "فما جاوزتهم (اى الحواس) الا قليلا حتى وجدت من تحبه نفسى ."..فا حنا برضو علينا ان نتجاوز الحرف لان الحرف بمفرده يقتل ...نتجاوز الحرف قليلا حتى نجد ما لذ وطاب من المعانى الروحية المشبعة للروح ..والنهاردة ها ادردش معكم فى 3 ارقام وهم ...100 و 300 و 318 ..
    1- اولا الرقم 100 : انا مش ها اقول كل حاجة لكن هااقول حاجة واحدة ...بعد القداس ..نهنىء بعضنا بعضا ونقول بالقبطى " شىَِ إن رومبى" ومعناها = 100 سنة ..يعنى عقبال مائة سنة ..لكن مش عجب 100 سنة ؟؟؟؟ وفى المناسبة دى بالذات ؟؟ نرجع يااحبائى لسفر التكوين ونشوف ابينا ابراهيم عاش 175 سنة ...منها 75 فى بيت اهله ...لكن المائة سنة الباقية ...سار فيها مع الله
    نقطة تانى ..امتى ربنا حقق وعده لابراهيم بميلاد اسحق ؟؟اليس فى سن المائة ...فأنا وانا بقول لأخى " شىَِ إن رومبى" انا مش بادعى له بطول العمر فحسب لا دا مش المقصود ..دا انا اقول المسيح اللى انت اخذته فى التناول النهاردة يثبتك فيه " من ياكل جسدي و يشرب دمي يثبت في و انا فيه" ..وباتمنى له ان ربنا يحقق له وعده اللى قاله "من ياكل جسدي و يشرب دمي فله حياة ابدية و انا اقيمه في اليوم الاخير." ...دا المدلول الكتابى للتحية القبطية الحلوة ..
    2-ثانيا :الرقم 300 : لما واحد يقول للتانى بعد القداس " شىَِ إن رومبى" فالتانى يقول له " أووه إنثوك شُمْتْ شَِ إن رومبى" ومعناها = وانت 300 سنة يعن عقبال مائة سنة ...عارفين يااخوتى المحبوبين دى مدلولها فين برضو فى سفر التكوين ...شوفوا اخنوخ عاش 65 سنة وانجب بنين وبنات ...لكن عاش بعد كده 300 سنة يقول عنها الكتاب " وسار اخنوخ مع الله ولم يوجد لان الله اخذه" ...اذا الرد التانى دا معناه ان انا بقول له اتمنى لك انك تكون فى عشرة وسير دائم مع المسيح كاخنوخ ..من خلال الذبيحة اللى انت تناولتها.
    3- ثالثا الرقم 318 : بالبحث فيه احبائى الرقم ده طلع رقم حلاوة ما بعدها حلاوة ...ارجعوا الى تكوين 14 : 14 يقول ايه الكتاب "فلما سمع ابرام ان اخاه سبي جر غلمانه المتمرنين ولدان بيته ثلاث مئة و ثمانية عشر و تبعهم الى دان." ...وبرضه الاقى الرقم ده فى تاريخ الكنيسة ..فاكرين ال318 اللى اجتمعوا فى مجمع نيقية لمحاكمة اريوس الهرطوقى...لكن تعالوا نبحث الرقم ده مع بعض ...الرقم ده فى القبطى واليونانى يتكتب كده TIH الـT = 300 ودى الصليب على شكل صليب
    والـIH = 18 ودى رمز وبداية لكلمة "إيسوس" = يسوع ..فالرقم ده معناه يسوع والصليب وده مجمل المسيحية ...نلاقى ابراهيم خد ال318 علشان يخلصوا لوط من سبى ملوك دائرة الاردن ولدان بيت الاب المتمرنين يروحوا "دان" = والنهاردة نشوف ال318 اسقف نيقية علشان يرجعوا صورة الابن القدوس اللى اراد اريوس ان
    avatar
    سرابامون
    المدير العــــــــــــام
    المدير العــــــــــــام

    عدد الرسائل : 405
    تاريخ التسجيل : 12/10/2008

    رد: ارقام وحسابات كتابية

    مُساهمة من طرف سرابامون في الأربعاء مارس 04, 2009 2:35 pm

    yuu

    شكرا استاذ نادي علي الشرح البسيط والتامل الرائع
    ربنا يبارك حياتك دايما وتكون منارة للمسيحة
    منتظرين المزيد من المقالات الروحية المعزية


    _________________

    avatar
    Admin
    المدير العــــــــــــام
    المدير العــــــــــــام

    عدد الرسائل : 1156
    تاريخ التسجيل : 06/10/2008

    رد: ارقام وحسابات كتابية

    مُساهمة من طرف Admin في الجمعة مارس 06, 2009 10:31 am

    سلام رب المجد
    hjkhjkhjkhjkhjkhjk
    بشكر تعب محبتك أستاذ نادى
    "ودايما يا رب تجيبلنا ثمار طيبة"
    موضوع رائع وفى معلومات اول مرة اعرفها
    الرب يجعل حياتك ممتلئة بالحكمة فتفسيرك للايات جميل وحكيم جدا
    بجد بجد تاملك فيها رائع استاذ نادى

    الرب يبارك خدمتك وحياتك
    والرب يعطيك بركة فى حياتك دائما ويعوض تعب محبتك

    وبركة صوم القيامة تعطينا بركة فى حياتنا آمين

    صلى من اجل الخدمة فى المنتدى
    وصلى من اجلى


    _________________


      الوقت/التاريخ الآن هو الثلاثاء أكتوبر 24, 2017 3:29 am